1 րոպեի ընթերցում
Սիրիայի արտաքին գործերի նախարար Ասադ ալ-Շեյբանին ՄԱԿ-ի Նյու Յորքի կենտրոնակայանում բարձրացրել է Սիրիայի Արաբական Հանրապետության նոր դրոշը՝ կանաչ-սպիտակ-սև գուներով և երեք կարմիր աստղերով։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
Այդ գույների և աստղերի համադրությամբ դրոշն օգտագործվել է 1930-ականների սկզբից, երբ Սիրիան և Լիբանանը դարձան Ֆրանսիայի մանդատային տարածքներ Առաջին համաշխարհային պատերազմից հետո: Այդ նույն դրոշով 1946 թվականին Սիրիան դարձավ անկախ պետություն։ Այն օգտագործվում է սիրիական ընդդիմության կողմից 2011 թվականից։
Սիրիայի արտգործնախարարը Նյու Յորքում է, որտեղ կմասնակցի Սիրիայի հարցով ՄԱԿ-ի Անվտանգության խորհրդի նիստին։ Մինչ այդ, ալ-Շեյբանին մասնակցել է երկրի նոր դրոշի բարձրացման արարողությանը։