Մյանմայի ափերի մոտ նոր երկրաշարժ է տեղի ունեցել

Մյանմայի ափերի մոտ 5,0 մագնիտուդ ուժգնությամբ երկրաշարժ է գրանցվել:

«Արմենպրես»-ի հաղորդմամբ՝ այս մասին հայտնում են ԱՄՆ երկրաբանական ծառայությունից (USGS): 

Ըստ աղբյուրի՝ ստորգետնյա ցնցումները գրանցվել են Պհյապուն քաղաքից 86 կմ դեպի հարավ, որի բնակչությունը կազմում է ավելի քան 76 հազար մարդ: Սեյսմոլոգների տվյալներով ՝ օջախը գտնվել է 10 կմ խորության վրա ։

Տուժածների և ցունամիի վտանգի մասին տվյալներ չեն ստացվել: