1 րոպեի ընթերցում
Հարավային Կորեայի պատմության մեջ ամենասաստիկ անտառային հրդեհների զոհերի թիվը հասել է 31-ի: «Արմենպրես»-ի փոխանցմամբ՝ այս մասին հաղորդում է Yonhap գործակալությունը:
Եվս 8 մարդ ծանր վնասվածքներ է ստացել, 36-ը՝ թեթև։
Ավելի վաղ հաղորդվել էր 28 զոհի մասին։
Երկրի հարավ-արևելքում մոլեգնող անտառային հրդեհները վնասել են 4015 տուն, 1914 գյուղատնտեսական և անասնաբուծական օբյեկտ, 7 տաճար և 986 այլ շինություններ:
11 տարածաշրջաններում այրվել է մոտավորապես 48 000 հեկտար անտառ, ինչի հետևանքով 3307 մարդ հարկադրված են եղել լքել իրենց տները։
