Հայաստանի ու Գերմանիայի նախագահներն այցելել են Թումո ստեղծարար տեխնոլոգիաների կենտրոն

Հայաստանի Հանրապետության նախագահ Վահագն Խաչատուրյանը՝ պաշտոնական այցով Հայաստանում գտնվող Գերմանիայի նախագահ Ֆրանկ-Վալտեր Շտայնմայերի և վերջինիս տիկնոջ՝ Էլկե Բուդենբենդերի հետ, այցելել է Թումո ստեղծարար տեխնոլոգիաների կենտրոն:

«Արմենպրես»-ի հաղորդմամբ՝ այս մասին հայտնում է Հանրապետության նախագահի մամուլի ծառայությունը։

Նշվում է, որ երկու նախագահները շրջել են կենտրոնում, ծանոթացել իրականացվող ծրագրերին և զրուցել աշակերտների հետ: