ԱՄՆ նախագահը հայտարարել է Իրաքում «Իսլամական պետության» պարագլխի ոչնչացման մասին

Միացյալ Նահանգների նախագահ Դոնալդ Թրամփը հայտարարել է Իրաքում «Իսլամական պետություն» ահաբեկչական խմբավորման առաջնորդին ոչնչացնելու մասին:

«Արմենպրես»-ի հաղորդմամբ՝ այս մասին նախագահ Դոնալդ Թրամփը հայտարարել է իր Truth Social սոցիալական ցանցում:

«Նրան փնտրում էին մեր անվախ մարտիկները։ Նրա թշվառ կյանքն ընդհատվել է ԻՊ-ի մեկ այլ անդամի հետ՝ Իրաքի կառավարության եւ Քրդստանի տարածաշրջանային կառավարության հետ համագործակցությամբ: Խաղաղություն՝ ուժի միջոցով»,- գրել է ԱՄՆ-ի նախագահը։

Ահաբեկչական խմբավորման անդամի ոչնչացման մասին հայտնել է նաև ԱՄՆ-ի կոնտրոնական հրամանատարությունը՝ X-ի միկրոբլոգում տեղադրելով համապատասխան ռազմական գործողության մասին տեսանյութը:

CENTCOM Forces Kill ISIS Chief of Global Operations Who Also Served as ISIS #2

On March 13, U.S. Central Command forces, in cooperation with Iraqi Intelligence and Security Forces, conducted a precision airstrike in Al Anbar Province, Iraq, that killed the Global ISIS #2 leader,… pic.twitter.com/rWeEoUY7Lw

— U.S. Central Command (@CENTCOM) March 15, 2025

«ԱՄՆ կենտրոնական հրամանատարության ուժերը, համագործակցելով Իրաքի հետախուզության և անվտանգության ուժերի հետ, ճշգրիտ ավիահարված են հասցրել Իրաքի Ալ Անբար նահանգում, որի հետևանքով սպանվել է ԴԱԻՇ-ի թիվ 2 ղեկավար էմիր Աբդալլահ Մակկի Մուսլիհ ալ-Ռիֆային՝ «Աբու Խադիջա» մականունով: Որպես ԴԱԻՇ-ի ամենաբարձր որոշումներ կայացնող մարմնի էմիր՝ Աբու Խադիջան պատասխանատվություն է կրում ԴԱԻՇ-ի կողմից ամբողջ աշխարհում իրականացվող գործողությունների, լոգիստիկայի և պլանավորման համար և ղեկավարում է խմբավորման համաշխարհային կազմակերպության ֆինանսական զգալի մասը»,-նշված է ԱՄՆ-ի կենտրոնական հրամանատարության տարածած հաղորդագրության մեջ: