ՀՀ էկոնոմիկայի նախարարի և «Մանթաշյանց» գործարարների միության անդամների հանդիպմանը բարձրացվել են տնտեսության տարբեր ոլորտների հարցեր
1 րոպեի ընթերցում
ՀՀ էկոնոմիկայի նախարար Գևորգ Պապոյանը հանդիպել է «Մանթաշյանց» գործարարների միության անդամների հետ։ «Արմենպրես»-ի հաղորդմամբ՝ նախարարն այս մասին տեղեկացրել է «Ֆեյսբուք»-ի իր էջում։
«Հանդիպման ընթացքում միության անդամները բարձրացրել են իրենց հուզող հարցերը, որոնք վերաբերում էին տնտեսության տարբեր ոլորտների խնդիրներին։ Մասնավորապես՝ անդրադարձ է կատարվել արտադրանքի արտահանման և ներմուծման ընթացակարգերին, առանց մաքսատուրքի էլեկտրամոբիլների ներմուծմանը, լոգիստիկ հնարավորությունների և կապիտալի շուկայի զարգացմանը, արտասահմանյան շուկաներում հայկական արտադրանքի ճանաչելիության բարձրացմանն ու առաջմղմանը և այդ համատեքստում միջազգային հեղինակավոր ցուցահանդեսներին հայ արտադրողների մասնակցությանը»,- նշել է Գևորգ Պապոյանը։