Իսրայելի ռազմաօդային ուժերը հարված են հասցրել Գազայի հյուսիսում

Իսրայելի ռազմաօդային ուժերը ավիահարված են հասցրել Գազայի  հյուսիսային հատվածին՝ սպառնալիքը վերացնելու համար:

«Արմենպրես»-ի հաղորդմամբ՝  այս մասին հայտնում է Իսրայելի պաշտպանության բանակի մամուլի ծառայությունը։

Հաղորդագրության համաձայն՝ ավելի վաղ, հայտնաբերվել են մի քանի կասկածելի անձինք, ովքեր գործողություն են իրականացրել  Գազայի հյուսիսում գտնվող Իսրայելի պաշտպանության բանակի զորքերի մոտակայքում: 

Ըստ Իսրայելի ՊԲ հաղորդագրության՝  նկատվել է, թե ինչպես են այդ անձինք պայթուցիկ սարք տեղադրում  տարածքում: Սպառնալիքը վերացնելու նպատակով ավիահարվածներ են հասցվել կասկածելի անձանց:

«Իսրայելական պաշտպանության բանակը կշարունակի գործել Իսրայելի պետության քաղաքացիներին և Իսրայելի զորքերին սպառնացող ցանկացած սպառնալիք վերացնելու համար», - հավելել է Իսրայելի պաշտպանության բանակը:

מוקדם יותר היום, זוהו מספר חשודים שפעלו בסמוך לכוחות צה"ל בצפון רצועת עזה, והטמינו מטען במרחב.
כלי-טיס של חיל-האוויר תקף את החשודים להסרת האיום.

צה"ל ימשיך לפעול על מנת להסיר כל איום על אזרחי מדינת ישראל ועל כוחות צה"ל.

— Israeli Air Force (@IAFsite) March 2, 2025