ՀՀ-ում ԵՄ դիտորդական առաքելության ներկայացուցիչներն այցելել են Տավուշի մարզի Վազաշեն համայնքի միջնակարգ դպրոց
1 րոպեի ընթերցում
Հայաստանում Եվրոպական միության դիտորդական առաքելության ներկայացուցիչներն այցելել են Տավուշի մարզի Վազաշեն համայնքի միջնակարգ դպրոց, ներկայացնել առաքելության խնդիրներն ու գործունեությունն, ինչպես նաև ԵՄ-ի արժեքները։
«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության` X-ի միկրոբլոգում տարածած գրառման մեջ։
«Ուրախ ենք այցելել Վազաշենի միջնակարգ դպրոց և ներկայացնել Հայաստանի Հանրապետությունում Եվրոպական միության դիտորդական առաքելության խնդիրներն ու գործունեությունն, ինչպես նաև Եվրոպական միությունն ու վերջինիս արժեքները»,-նշված է գրառման մեջ:
Առաքելությունը նաև շնորհակալություն է հայտնել Տավուշի փոխմարզպետ Նարեկ Ղուշչյանին դիտորդների այցին միանալու համար։
«Շնորհակալություն Վազաշենի դպրոցի աշակերտներին, տնօրենին և ուսուցիչներին ջերմ ընդունելության համար»,-ասված է գրառման մեջ։
