ՀՀ-ում ԵՄ դիտորդական առաքելության ներկայացուցիչներն այցելել են Տավուշի մարզի Վազաշեն համայնքի միջնակարգ դպրոց

Հայաստանում Եվրոպական միության դիտորդական առաքելության ներկայացուցիչներն այցելել են Տավուշի մարզի Վազաշեն համայնքի միջնակարգ դպրոց, ներկայացնել առաքելության խնդիրներն ու գործունեությունն, ինչպես նաև ԵՄ-ի արժեքները։

«Արմենպրես»-ի հաղորդմամբ՝ այս մասին նշված է Հայաստանում ԵՄ դիտորդական առաքելության` X-ի միկրոբլոգում տարածած գրառման մեջ։

Delighted to visit Vazashen Secondary School and introduce #EUMA's tasks and activities as well as European Union and it’s values. Thank you deputy governor of Tavush @Nghushchyan for joining us, thank you students, principal and teachers of Vazashen school for warm welcome🙏🇪🇺🇦🇲 pic.twitter.com/hylfFmqr3f

— European Union Mission in Armenia (@EUmARMENIA) February 27, 2025

«Ուրախ ենք այցելել Վազաշենի միջնակարգ դպրոց և ներկայացնել Հայաստանի Հանրապետությունում Եվրոպական միության դիտորդական առաքելության խնդիրներն ու գործունեությունն, ինչպես նաև Եվրոպական միությունն ու վերջինիս արժեքները»,-նշված է գրառման մեջ: 

Առաքելությունը նաև շնորհակալություն է հայտնել Տավուշի փոխմարզպետ Նարեկ Ղուշչյանին դիտորդների այցին միանալու համար։ 

«Շնորհակալություն Վազաշենի դպրոցի աշակերտներին, տնօրենին և ուսուցիչներին ջերմ ընդունելության համար»,-ասված է գրառման մեջ։