Դեսպան Արսենյանն ընդունել է ՌԴ-ում Սլովենիայի դեսպանին

Ռուսաստանի Դաշնությունում Հայաստանի Հանրապետության արտակարգ և լիազոր դեսպան Գուրգեն Արսենյանը հանդիպել է Ռուսաստանի Դաշնությունում Սլովենիայի Հանրապետության դեսպան Ալենկա Սուխադոլնիկի հետ։

Այս մասին «Արմենպրես»-ին տեղեկացրեցին ՌԴ-ում ՀՀ դեսպանությունից։ 

Աղբյուրի հաղորդմամբ՝ զրուցակիցները մտքեր են փոխանակել միջազգային և տարածաշրջանային օրակարգի հրատապ հարցերի շուրջ։