Տիգրան Ավինյանը գործատուներին կոչ է արել հնարավորության դեպքում փետրվարի 21-ին աշխատանքը կազմակերպել հեռավար եղանակով
1 րոպեի ընթերցում
Երևանի քաղաքապետ Տիգրան Ավինյանը կոչ է անում փետրվարի 21-ին տնից դուրս գալ միայն ծայրահեղ անհրաժեշտության դեպքում, զերծ մնալ սեփական ավտոմեքենաներով երթևեկելուց, իսկ երթևեկելու դեպքում դա անել բացառապես ձմեռային անվադողերով։
«Արմենպրես»-ի փոխանցմամբ՝ Ավինյանը դիմել է նաև գործատուներին՝ կոչ անելով աշխատանքը փետրվարի 21-ին կազմակերպել հեռավար, եթե կա դրա հնարավորությունը։
«Բոլոր այն գործատուները, որոնք հնարավորություն ունեն իրենց աշխատանքը կազմակերպել հեռավար, խնդրում ենք հենց այդպես էլ իրականացնել։ Վաղը սպասվում են ձյան ամենաառատ տեղումները, և քաղաքապետարանի ամբողջ աշխատակազմը շարունակելու է աշխատել 24-ժամյա ռեժիմով»,-ասել է Ավինյանը։