1 րոպեի ընթերցում
Ուկրաինան կկարողանա խաղաղության շուրջ բանակցություններ վարել միայն ուժի դիրքերից, ասել է Գերմանիայի արտգործնախարար Աննալենա Բարբոքը՝ հավելելով, որ ԵՄ-ն Կիևին բազմամիլիարդանոց օգնության նոր փաթեթ է պատրաստում, որը կներառի հրետանի, հակաօդային պաշտպանություն և անօդաչու սարքեր։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Մենք բոլոր ջանքերը գործադրում ենք Ուկրաինային ավելի ամրապնդելու համար՝ թե՛ իր, թե՛ Եվրոպայի համար, միայն ուժի դիրքերից։ Մենք՝ եվրոպացիներս, առաջարկում ենք մեր սեփական նախաձեռնությունները և օգտագործում ենք մեր սկզբունքները»,- ասել է Գերմանիայի ԱԳ նախարարը։
Նա հավելել է, որ եվրոպացիները կշարունակեն ուժեղացնել Ուկրաինային ռազմական աջակցությունը։
«Ուկրաինային աջակցելու համար մենք պետք է համապատասխան բյուջետային որոշումներ կայացնենք՝ անկախ նրանից, թե մենք դա ուզում ենք, թե ոչ», - նշել է նախարարը։
Նա հավելել է, որ Եվրոպայում ոչ ոք չպետք է թույլ տա նույնիսկ կասկածի ստվեր, որ հնարավոր ամեն ինչ կարվի երեխաների խաղաղության, անվտանգության և ապագայի համար։
