2025 թվականի հունվարին Հայաստան առավել շատ այցելել են զբոսաշրջիկներ Ռուսաստանից, Վրաստանից և Իրանից
1 րոպեի ընթերցում

Հայաստանի Հանրապետության զբոսաշրջության կոմիտեն հրապարակել է 2025 թվականի հունվարին դեպի Հայաստան զբոսաշրջային այցելությունների թիվը։
«Արմենպրես»-ի փոխանցմամբ՝ հրապարակման համաձայն՝ 2025 թ-ի հունվարին Հայաստան այցելած զբոսաշրջիկների թիվը պակասել է. 2025 թվականի հունվարին այցելել է 139,482, 2024 թվականին՝ 154,319 զբոսաշրջիկ:
2025 թվականի հունվար ամսին դեպի Հայաստան առավել շատ զբոսաշրջային այցելություններ գրանցվել են Ռուսաստանից (39.5 %), Վրաստանից (13%) և Իրանից (9.4%):