Արման Եղոյանը ՀՀ-ԵՄ տնտեսական համագործակցությունը քաղաքական երկխոսության մակարդակին հասցնելու անհրաժեշտություն է տեսնում
1 րոպեի ընթերցում
Հայաստանի քաղաքական երկխոսությունը Եվրամիության հետ զգալիորեն առաջ է անցել տնտեսական հարաբերություններից, բացն անհրաժեշտ է լրացնել։
«Արմենպրես»-ի հաղորդմամբ՝ Ազգային ժողովում Եվրոպական միությանը Հայաստանի անդամակցության գործընթացի մեկնարկի մասին օրենքի նախագծի քննարկման ժամանակ այս մասին ասաց Եվրոպական ինտեգրման հարցերի մշտական հանձնաժողովի նախագահ Արման Եղոյանը։
«Ստեղծվել է մի իրավիճակ, երբ Հայաստանի քաղաքական երկխոսությունը Եվրամիության հետ գնացել է շատ ավելի առաջ, քան մեր տնտեսական հարաբերություններն են։ Ահռելի մեծ տարածություն է առաջացել մեր քաղաքական սերտության և տնտեսական համագործակցության միջև։ Եվ, կարծում եմ, որ այս բացը պետք է լրացնել։ Բնականաբար, ոչ թե քաղաքական երկխոսությունը նվազեցնելու հաշվին, այլ տնտեսական համագործակցությունը մեծացնելու հաշվին»,- ընդգծեց Եղոյանը։