396.41
Փաշիկ Ալավերդյանը գոհ է Հայաստանի ծանրամարտի տղամարդկանց առաջնության արդյունքներից
1 րոպեի ընթերցում
Հայաստանի ծանրամարտի տղամարդկանց թիմի գլխավոր մարզիչ Փաշիկ Ալավերդյանը գոհ է ներքին առաջնությունում մասնակից ծանրորդների գրանցած արդյունքներից:
«Եվրոպայի ծանրամարտի առաջնությանը դեռևս կա 3 ամիս: Հայաստանի առաջնությունում գրանցված արդյունքները ինձ գոհացնում են այնքանով, որ մենք մարզական պիկին պետք է հասնենք Եվրոպայի առաջնությունից առաջ: Այսօրվա դրությամբ գոհ եմ առաջնության արդյունքներից»,-«Արմենպրես»-ի հաղորդմամբ` լրագրողների հետ զրույցում ասաց Ալավերդյանը:
Վերջինիս խոսքով` ինքը ծանոթ է բոլոր մարզիկներին և իր համար ընթացիկ առաջնությունում բացահայտումներ չեն եղել:
«Հույս ունեմ, որ տարվա վերջին կայանալիք աշխարհի առաջնությունում հավաքականի կազմում նոր երիտասարդներ կլինեն»,-ասաց նա:
Հայաստանի ծանրամարտի առաջնությանն այս տարի ընդհանուր առմամբ մասնակցում էր 29 մարզիկ:
Բաժանորդագրվեք մեր ալիքին Telegram-ում