1 րոպեի ընթերցում
Ուկրաինայի զինված ուժերը ստացել են առաջին F-16 և Mirage 2000 կործանիչները Նիդեռլանդների Թագավորությունից: Ինչպես տեղեկացնում է «Արմենպրես»-ը, վկայակոչելով «Unian»-ը, այս մասին հայտարարել է Ուկրաինայի պաշտպանության նախարար Ռուստեմ Ումերովը։
«Ուկրաինական երկինքն ավելի պաշտպանված է դառնում», – նշել է Ումերովը՝ հավելելով, որ ժամանակակից մարտական ինքնաթիռները արդեն Ուկրաինայում են և շուտով կկատարեն մարտական առաջադրանքներ:
F-16 և Mirage 2000 կործանիչների մատակարարումը Ուկրաինային երկար ժամանակ քննարկվող հարց էր։ Արևմտյան գործընկերների աջակցությամբ Կիևը հույս ունի ուժեղացնել հակաօդային պաշտպանությունը և բարելավել իր հնարավորությունները Ռուսաստանի դեմ մարտերում։
Ումերովը շեշտել է, որ նոր կործանիչները կուժեղացնեն Ուկրաինայի պաշտպանության համակարգը և կօգնեն ռուսական ագրեսիային դիմակայելու գործում։