396.58
1 րոպեի ընթերցում
Մայրաքաղաքի թիվ 138 և 74 մանկապարտեզներն ամբողջությամբ քանդվել և վերակառուցվել են: «Արմենպրես»-ի փոխանցմամբ՝ այս մասին հայտնում են Երևանի քաղաքապետարանից, ընդգծելով, որ մանկապարտեզներն արդեն նոր, գունավոր ու լուսավոր սենյակներով են սաներին դիմավորելու:
«Ավելի քան կեսդարյա պատմություն ունեցող մանկապարտեզներն ամբողջությամբ քանդվելուց և վերակառուցվելուց հետո այսօր այլ տեսք ունեն:
Էներգաարդյունավետության ծրագրով՝ կրթական հաստատություններում էներգաարդյունավետությանը միտված սարքավորումներ և LED լուսատուներ են տեղադրվել:
Շենքերի սեյսմիկ զինվածությունը համապատասխանում է անհրաժեշտ չափանիշներին»,- նշված է քաղաքապետարանի տարածած հաղորդագրության մեջ:
Մանկապարտեզների տանիքներին տեղադրվել են արևային ֆոտովոլտային վահաններ, պատերը ջերմամեկուսացվել են, ամեն ինչ արվել է, որ նվազեն հանրային շենքերի էներգետիկ սպասարկման ծախսերը, ինչպես նաև՝ պակասեցվել է CO2 գազի արտանետումը: