ՀՀ ԱԱԾ-ն հերքել է տարածվող տեղեկատվությունը, թե Հանրապետության հրապարակում ադրբեջանցիներ են եղել

Հայաստանի Հանրապետության ազգային անվտանգության ծառայությունը պարզաբանող հայտարարություն է տարածել հունվարի 30-ի երեկոյան համացանցում տարածված և լայն արձագանք գտած տեսանյութի վերաբերյալ: 

«Տեսանյութում պատկերված անձինք իրականում հանդիսանում են Իրանի Իսլամական Հանրապետության քաղաքացիներ: Նշված անձինք Հայաստանի Հանրապետությունում են գտնվել 2024թ. դեկտեմբերի 30-ից մինչև ս.թ. հունվարի 3-ը»,- «Արմենպրես»-ի փոխանցմամբ՝ նշված է ԱԱԾ-ի պարզաբանման մեջ: 

Ազգային անվտանգության ծառայությունը հրապարակել է նաև Իրանի քաղաքացիների անուններն ու լուսանկարները: Նրանք են՝ 

Միլադ Ղահրամանիաֆշար

Բեհզադ Ղաֆարի Շաբանլոու

Մեհդի Մոհամմադի

Համեդ Ազիզի Մալեկի

Նադեր Ղաֆարի

ՀՀ ԱԱԾ-ն կոչ է անում զերծ մնալ իրականությանը չհամապատասխանող և չճշտված տեղեկություններ հրապարակելուց և մեկնաբանություններից:

Հունվարի 30-ի երեկոյան համացանցում տեսանյութ էր տարածվել, թե իբր ադրբեջանցիները Երևանում Հանրապետության հրապարակում Լեռնային Ղարաբաղի մասին երգ էին կատարում: