Երևանում բոլոր բակային տարածքների նատրիումային լամպով լուսատուները փոխարինվել են ժամանակակից լեդ լուսատուներով

Մայրաքաղաքի բոլոր բակային տարածքների նատրիումային լամպով լուսատուները 2024 թվականին փոխարինվել են ժամանակակից լեդ լուսատուներով: «Արմենպրես»-ի փոխանցմամբ՝ այս մասին հայտնում են Երևանի քաղաքապետարանից, մանրամասնելով, որ տեղադրվել է 10198 լեդ լուսատու և փոխարինվել 83000մ մալուխ:

Արտաքին լուսավորության ցանցն արդիականացվել է Լեոյի, Քրիստափորի, Վազգեն 1-ին վեհափառի փողոցներում և Բաղրամյան ու Կոմիտասի պողոտաներում:

Նույն ժամանակ Աճառյան, Մյասնիկյան, Վարդանանց, Ամիրյան և Հանրապետության փողոցներում վերգետնյա մալուխներն անցկացվել են ստորգետնյա կապուղիներով:

Աշխատանքները կրում են շարունակական բնույթ: