ՀՀ նախագահը ցավակցել է ԱՄՆ նախկին նախագահի ընտանիքին և Միացյալ Նահանգների ժողովրդին

ԵՐԵՎԱՆ, 30 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության նախագահ Վահագն Խաչատուրյանը ցավակցություն է հայտնել Միացյալ Նահանգների նախկին նախագահ Ջիմի Քարթերի մահվան կապակցությամբ։

«Արմենպրես»-ի հաղորդմամբ՝ այս մասին ՀՀ նախագահը գրառում է կատարել X-ի իր միկրոբլոգում։

Deeply saddened to hear of President Carter’s passing away and extend my sincerest condolences to the family of former President and the people of the United States of America.
President Carter – a Nobel Peace Prize receiver, will remain a symbol of tireless humanitarian and…

— Vahagn Khachaturyan (@President_Arm) December 30, 2024

«Խորապես վշտացած եմ նախագահ Քարթերի մահվան լուրից։ Իմ անկեղծ ցավակցություններն եմ հայտնում նախկին նախագահի ընտանիքին և Ամերիկայի Միացյալ Նահանգների ժողովրդին: 

Նախագահ Քարթերը՝ Խաղաղության Նոբելյան մրցանակակիր, կմնա անխոնջ մարդասիրական և դիվանագիտական ​​ջանքերի խորհրդանիշ, քաղաքական գործիչ, ով էապես նպաստել է միջազգային խաղաղությանն ու անվտանգությանը, ինչպես նաև ժողովրդավարության և մարդու իրավունքների, տնտեսական և սոցիալական զարգացման հավատարիմ ջատագովը»,-գրել է ՀՀ նախագահը:

Ավելի վաղ, հաղորդվել էր, որ 100 տարեկանում մահացել է ԱՄՆ 39-րդ նախագահ Ջիմի Քարթերը։ Նա նախագահել է 1977-1981 թվականներին։