ՀՀ արդարադատության նախարարն ու ՌԴ դեսպանն անդրադարձել են երկու երկրներում պատիժը կրող քաղաքացիների իրավունքների պաշտպանությանը
1 րոպեի ընթերցում
ԵՐԵՎԱՆ, 27 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության արդարադատության նախարար Սրբուհի Գալյանն ընդունել է ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինին:
«Արմենպրես»-ի փոխանցմամբ՝ այս մասին հայտնում են ՀՀ արդարադատության նախարարությունից, նշելով, որ հանդիպմանը կարևորվել է երկու երկրների Արդարադատության նախարարությունների միջև առկա համագործակցությունը։
Գերատեսչության փախանցմամբ՝ հանդիպման ընթացքում կողմերն անդրադարձել են իրավական օգնության հարցում ՀՀ-ի և ՌԴ-ի փոխգործակցությանը։
ՌԴ դեսպանը գոհունակություն է հայտնել առկա համագործակցության համար՝ պատրաստակամություն հայտնելով իր լիազորության շրջանակում նպաստել իրավական փոխօգնության ոլորտում համագործակցության ամրապնդմանը:
«Անդրադարձ է եղել երկու երկրներում պատիժը կրող քաղաքացիների իրավունքների պաշտպանությանը»,-հաղորդում է նախարարությունը:
