1 րոպեի ընթերցում
ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Շիրակի մարզպետ Մուշեղ Մուրադյանը հրաժարական է տվել։
«Արմենպրես»-ի հաղորդմամբ՝ կառավարության նիստում այս մասին հայտնեց ՀՀ վարչապետ Նիկոլ Փաշինյանը:
Նա շնորհակալություն հայտնեց Մուրադյանին կատարած աշխատանքի համար:
Մուշեղ Մուրադյանն իր հերթին շնորհակալություն հայտնեց վարչապետին իրեն վստահելու համար։
«Շուրջ 2 տարի իմ հմտությունների, գիտելիքների և լիազորությունների շրջանակում, ինչքան կարողացել եմ, ծառայել եմ Հայաստանի Հանրապետությանը, Շիրակի մարզի զարգացմանը: Բազմաթիվ ծրագրեր են իրականացվել Շիրակի մարզում անմիջապես Ձեր, կառավարության օգնությամբ»,-ասաց մարզպետը:
Մուշեղ Մուրադյանը Շիրակի մարզպետ էր նշանակվել 2023 թվականի հունվարից։