Շախմատի աշխարհի չեմպիոնի մրցախաղում շարունակվում են ոչ-ոքիները

ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Շախմատի աշխարհի չեմպիոնի մրցախաղի 8-րդ պարտիան ևս ավարտվեց ոչ-ոքի:

«Արմենպրես»-ի հաղորդմամբ` Սինգապուրում ընթացող շախմատի չեմպիոնի մրցախաղում գործող չեմպիոն Դին Լիժենի և հավակնորդների մրցախաղի հաղթող Գուկեշ Դոմարաջուի միջև 8-րդ տուրը ևս ավարտվեց խաղաղ արդյունքով:

Շախմատիստները համաձայնեցին կիսել միավորը 51-րդ քայլին:

Այժմ թե Լիժենը և թե Գուկեշն ունեն հավասար` 4-ական միավոր:

Չեմպիոնական մրցախաղում աշխարհի չեմպիոնի տիտղոսը փորձում է պահպանել Չինաստանից Դին Լիժենը, իսկ հավակնորդների մրցաշարի հաղթողը Հնդկաստանից Գուկեշ Դոմարաջուին է: Շախմատի աշխարհի չեմպիոնի մրցախաղը բաղկացած է 14 դասական պարտիայից և հնարավոր ոչ-ոքիի դեպքում շախմատիստները կմրցեն թայ-բրեյքում: Պատմության մեջ երկրորդն անգամն է, որ աշխարհի չեմպիոնի մրցախաղն անցկացվում է հարավարևելյան Ասիայում: 138 տարվա մեջ առաջին անգամն է, որ չեմպիոնի կոչման համար պայքարելու են Ասիա մայրցամաքի երկու ներկայացուցիչ: