1 րոպեի ընթերցում
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ: Վրացական ընդդիմության կողմնակիցները երկուշաբթի երեկոյան հերթական հանրահավաքն են անցկացնում երկրի խորհրդարանի մոտ:
«Արմենպրես»-ի հաղորդմամբ՝ այս մասին հայտնում է ՏԱՍՍ-ը՝ հավելելով, որ ցուցարարներն արդեն փակել են Ռուսթավելի պողոտան, որտեղ գտնվում է խորհրդարանի շենքը։ Նրանք պարզել են Վրաստանի և ԵՄ դրոշները, ինչպես նաև կառավարության հրաժարականի և խորհրդարանական նոր ընտրությունների պահանջով պաստառներ։
Խորհրդարանի մոտ ոստիկանական մեծ ջոկատներ են հերթապահում։
Նոյեմբերի 28-ին Վրաստանում բողոքի նոր ալիք է սկսվել, որի պատճառը Վրաստանի վարչապետ Իրակլի Կոբախիձեի հայտարարությունն էր մինչև 2028 թվականի վերջ Եվրամիությանն անդամակցելու շուրջ բանակցությունների հարցը հետաձգելու և բոլոր բյուջետային դրամաշնորհներից հրաժարվելու վերաբերյալ։