Երևանում ակումբներում մի շարք խախտումներ են արձանագրվել

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ։ Երևանի քաղաքապետարանի աշխատակազմի հասարակական կարգի պահպանության ծառայությունն ու ՀՀ ՆԳՆ համապատասխան ստորաբաժանումները համատեղ ստուգայց են կատարել երևանյան մի քանի ակումբներում:

Ինչպես «Արմենպրես»-ը տեղեկանում է Երևանի քաղաքապետարանից, ստուգայցի ընթացքում հայտնաբերվել են տարբեր վարչական իրավախախտումներ, մասնավորապես՝ սահմանված ժամից հետո լռության, հանրային սննդի, խմիչքի և ժամը 24:00-ից հետո գործունեություն իրականացնելու վերաբերյալ կանոնների խախտման մասով: