Մակրոնը շնորհավորել է Թրամփին ընտրություններում հաղթանակի կապակցությամբ
1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ։ Ֆրանսիայի նախագահ Էմանուել Մակրոնը շնորհավորել է հանրապետական թեկնածու Դոնալդ Թրամփին ԱՄՆ նախագահական ընտրություններում հաղթանակի կապակցությամբ, տեղեկացնում է «Արմենպրես»-ը։
«Շնորհավորում եմ, նախագա՛հ Դոնալդ Թրամփ։ Պատրաստ եմ միասին աշխատել, ինչպես արել ենք չորս տարի շարունակ։ Ձեր և իմ համոզմունքներով։ Հարգանքով և ձգտումներով։ Հանուն ավելի շատ խաղաղության և բարգավաճման», - գրել է Մակրոնը X սոցիալական հարթակում։
ԱՄՆ-ում ձայների հաշվարկը շարունակվում է։ Սակայն մի շարք խոշոր լրատվամիջոցներ, այդ թվում՝ Fox News-ը, արդեն հայտնել են, որ հաշվարկի արդյունքներով ակնկալում են Թրամփի հաղթանակը։ Թրամփն՝ ինքը, արդեն հայտարարել է հաղթանակի մասին և ելույթ ունեցել իր աջակիցների առջև։