«Քոչար 360°» ինստալացիա–պերֆորմանսը կբացահայտի Երվանդ Քոչարի պատկերային ու տարածական մտածողությունը

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: Երվանդ Քոչարի ծննդյան 125-ամյակի շրջանակում Հայաստանի ազգային պատկերասրահում նոյեմբերի 6-7-ին կներկայացվի «Քոչար 360°» ինստալացիա-պերֆորմանսը: 

«Արմենպրես»-ի փոխանցմամբ՝ Հայաստանի կրթության, գիտության, մշակույթի և սպորտի նախարարության տարածած հաղորդագրության մեջ նշվում է, որ ինստալացիա-պերֆորմանսն իրականացրել է «Արտ-Իմաժ» մշակութային հասարակական կազմակերպությունը՝ Երվանդ Քոչարի թանգարանի, ֆրանսիական «Սաթէ-Աթղը» թատերական միության, «Կաֆիգ» պարային ընկերության հետ համագործակցությամբ: 

«Քոչար 360°» բազմաժանր նախագիծը պարի, կենդանի երաժշտության, վիդեո պրոեկցիայի միաձուլում է՝ ներկայացնելու Երվանդ Քոչարի պատկերային ու տարածական մտածողությունը։ 

Այն ֆրանսիացի նշանավոր պարուսույց Մուրադ Մերզուկիի և ռեժիսոր Սաթէ Խաչատրյանի երկրորդ համագործակցությունն է։ Առաջինը Սերգեյ Փարաջանովի 100-ամյակին նվիրված «Նռան գույնը» պարային ներկայացումն էր, որը ցուցադրվել է Երևանում 2024 թվականի մարտին։  

«Քոչար 360°»  նախագծի իրականացնողներն են՝

• Գաղափարի և դրամատուրգիական կոնցեպտի հեղինակ՝ Սաթէ Խաչատրյան
• Պարուսույց՝ Մուրադ Մերզուկի
• Ինստալացիայի հեղինակ՝ Աշոտ Մարաբյան
• Երաժշտության հեղինակ՝ Հող Արթուն
• Վիդեո – մափինգ՝ Արտյոմ Բաղդասարյան
• Հագուստների ձևավորում՝ Էդգար Մանուկյան, Կարեն Դոլուխանյան
• Պարուհիներ՝ Շառլոտ Գարբան, Ալիզե Բրյուլ, Աննա Քալաշյան
• Երգչուհի՝ Լիլիթ Խաչատրյան