1 րոպեի ընթերցում
ԵՐԵՎԱՆ, 4 ՆՈՅԵՄԲԵՐԻ, ԱՐՄԵՆՊՐԵՍ: Ճապոնիայի օդատիեզերական հետազոտությունների գործակալությունը (JAXA) հաջողությամբ իրականացրել է H3 ծանր դասի տանող հրթիռի արձակում երկրի հարավ-արևմուտքում գտնվող Տանեգասիմա տիեզերակայանից: «Արմենպրես»-ի փոխանցմամբ՝ այս մասին հաղորդում է ՏԱՍՍ-ը։
Տանող հրթիռի արձակումը, որը պետք է ուղեծիր դուրս բերի պաշպանության նախարարության կապի արբանյակը, մի քանի անգամ հետաձգվել էր եղանակային վատ պայմանների պատճառով։
H3-ը Ճապոնիայի խոշորագույն տանող հրթիռն է, որն աշխատում է հեղուկ վառելիքով: Դրա երկարությունը 63 մետր է, տրամագիծը՝ 5,2 մետր, բեռնատարողությունը՝ 4-ից մինչև 6,5 տոննա։ Ընդ որում, առաջին աստիճանի երկարությունը և քաշը կարող են փոխվել շարժիչի տարբեր տեսակների և արագացուցիչների առկայության պատճառով: Հրթիռի մշակումը սկսվել է 2013 թվականին։ Mitsubishi Heavy Industries ընկերությունն այդ նպատակների համար ծախսել է մոտ 200 միլիարդ իեն (1,32 միլիարդ դոլար): Նոր հրթիռի որոշ մասեր ստեղծելու համար օգտագործվել են 3D տպիչներ, ինչը թույլ է տվել նվազեցնել դրա արտադրության արժեքը: