Գազայում պաղեստինցի զոհերի թիվը գերազանցել է 43,3 հազարը

ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Իսրայելական գործողությունների հետևանքով  Գազայի հատվածում վերջին 24 ժամվա ընթացքում առնվազն  27 մարդ է զոհվել, իսկ 86-ը՝ վիրավորվել:

«Արմենպրես»-ի հաղորդմամբ՝ այս մասին հայտնում է Գազայի առողջապահական գերատեսչությունը:

Ըստ աղբյուրի՝ 2023 թվականի հոկտեմբերի 7-ից Իսրայելի հարվածների հետևանքով զոհերի ընդհանուր թիվը հասել է 43 հազար 341-ի, իսկ վիրավորներինը՝  102 հազար 105-ի: