1 րոպեի ընթերցում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Հարավային Կորեան, Չինաստանը և Ճապոնիան պայմանավորվել են մոտ ժամանակներս եռակողմ գագաթնաժողով անցկացնել։ «Արմենպրես»-ի փոխանցմամբ՝ այս մասին հաղորդում է հարավկորեական Yonhap գործակալությունը՝ վկայակոչելով երկրի արտաքին քաղաքական գերատեսչությունը։
Համաձայնությունը ձեռք է բերվել հոկտեմբերի 28-ին Տոկիոյում երեք երկրների արտաքին գործերի փոխնախարարների հանդիպման ժամանակ։
Ակնկալվում է, որ եռակողմ գագաթնաժողովը կկայանա հաջորդ տարվա սկզբին Ճապոնիայում։
Նախորդ բարձր մակարդակի եռակողմ հանդիպումը մայիսին անցկացվել է Սեուլում։ Երեք երկրների ղեկավարները պայմանավորվել են, որ նման գագաթնաժողովներն ունենան կանոնավոր բնույթ։