Բայդենի նամակում հիշատակված առաջարկները քննարկվում են աշխատանքային կարգով առանձին հանդիպումներում. պատգամավոր

3 րոպեի ընթերցում

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: ԱՄՆ նախագահ Ջո Բայդենը Հայաստանի վարչապետին և Ադրբեջանի նախագահին ուղղված իր նամակներում ասել է ուղիղ այն, ինչը Հայաստանի արտաքին քաղաքական օրակարգի առաջնահերթությունն է: 

«Արմենպրես»-ի հաղորդմամբ՝ խորհրդարանական ճեպազրույցում այս մասին ասաց ԱԺ «Քաղաքացիական պայմանագիր» խմբակցության պատգամավոր Հռիփսիմե Գրիգորյանը՝ անդրադառնալով ԱՄՆ նախագահ Ջո Բայդենի՝  Հայաստանի և Ադրբեջանի ղեկավարներին հղած նամակներին, Հայաստանի և Ադրբեջանի հարաբերությունների կարգավորման գործընթացում ԱՄՆ-ի միջնորդական ջանքերի ակտիվացմանը: 

«Սրան պետք է նայել շատ դրական: Հայաստանի դիրքորոշումն է, որ Հայաստանի և Ադրբեջանի միջև կարգավորման գործընթացը պետք է հնարավորինս շուտ ավարտին հասցվի ու խաղաղության պայմանագիր ստորագրվի: ԱՄՆ նախագահ Բայդենը և՛ Ադրբեջանի նախագահին, և՛ Հայաստանի վարչապետին ուղղված իր նամակներում խոսում է սրա մասին՝ նշելով, որ ԱՄՆ-ն պատրաստ է բոլոր ջանքերը գործադրել, որ Հարավային Կովկասում կայունություն հաստատվի և խաղաղության պայմանագիրը շուտափույթ կերպով կնքվի: Սա ուղիղ այն է, ինչը Հայաստանի արտաքին քաղաքական օրակարգում առաջնահերթություն է, որ մեր միջազգային գործընկերները, այդ թվում՝ ԱՄՆ-ն, հայտնեն դիրքորոշում առ այն, որ խաղաղության պայմանագիրը պետք է ստորագրել շուտափույթ կերպով»,–ասաց Հռիփսիմե Գրիգորյանը:

Պատգամավորը հավելեց՝ սա շատ կարևոր է և համապատասխանում է Հայաստանի օրակարգին: 

ՀՀ Վարչապետին ուղղված նամակում Ջո Բայդենը նշել էր, որ իր վարչակազմը պատրաստ է ձեռնարկել համարձակ նախաձեռնություններ, որոնք կօգնեն հարթել ճանապարհը դեպի խաղաղություն: Բայդենը տեղեկացրել էր, որ ինքը խնդրել է Եվրոպայի գծով գլխավոր տնօրեն Մայքլ Քարփենթերին տեղեկացնել Հայաստանի վարչապետին որոշ քայլերի մասին, որոնք իրենք կցանկանային ձեռնարկել և ստանալ հայկական կողմի կարծիքն Ադրբեջանի հետ քննարկումների վերաբերյալ:  

Ամերիկյան այս առաջարկների առնչությամբ պատգամավորը շատ մանրամասներ չբացեց՝ նշելով, որ դրանք հնարավորության սահմաններում հստակ շարադրված են Բայդենի նամակներում: «Եվ դրանք քննարկվում են աշխատանքային կարգով առանձին հանդիպումներում»,-ընդգծեց նա: 

Հայերեն Español Русский Türkçe 中文

Հայաստանն ու Եգիպտոսը քննարկել են առևտրի ոլորտում համագործակցությունը խորացնելու հեռանկարները

Հայաստանի պատմության թանգարանն ու Աթենքի ազգային հնագիտական թանգարանը համատեղ ցուցահանդեսներ կիրականացնեն

Վահան Կոստանյանը հանդիպել է ՄԱԿ-ի գլխավոր քարտուղարի՝ Սիրիայի հարցերով հատուկ բանագնացի տեղակալի հետ

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ