Կառավարությունը անհետ կորած զինծառայողների ընտանիքներին տրամադրվող աջակցության ժամկետը երկարաձգեց մինչև դեկտեմբեր

ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության կառավարությունը մինչև դեկտեմբեր երկարաձգեց անհետ կորած զինծառայողների ընտանիքներին սոցիալական աջակցության ծրագիրը: 

«Արմենպրես»-ի հաղորդմամբ՝ նախագիծն ընդունվեց Կառավարության հոկտեմբերի 24-ի նիստում։

Այն նախատեսված է մինչև 2024 թ. դեկտեմբեր ամիսը ներառյալ դրամական վճարի ձևով սոցիալական աջակցության տրամադրում զինծառայողի ընտանիքին՝ ամսական 300.000 դրամի չափով: