1 րոպեի ընթերցում
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ։ Հայաստանի կենտրոնական ընտրական հանձնաժողովի անդամ Սիլվա Մարկոսյանը հոկտեմբերի 4-ից 8-ը գործուղվել է Բոսնիա և Հերցեգովինա։ «Արմենպրես»-ի փոխանցմամբ՝ այս մասին հաղորդագրություն է տարածել ՀՀ կենտրոնական ընտրական հանձնաժողովը։
ՀՀ ԿԸՀ անդամը Բոսնիա և Հերցեգովինա է գործուղվել գործընկեր կառույցի և Ընտրական մարմինների համաշխարհային ասոցիացիայի (A-WEB) հրավերով, մասնակցել է A-WEB-ի և Բոսնիա և Հերցեգովինայի ԿԸՀ-ի իրականացրած համատեղ դիտորդական առաքելության և գիտելիքների փոխանակման ծրագրին։