Էջմիածնի Մայր տաճարի հիմնանորոգման շրջանակներում փոխարինվել է 17-րդ դարում գմբեթին տեղադրված խաչը

2 րոպեի ընթերցում

ԵՐԵՎԱՆ, 17 ՍԵՊՏԵՄԲԵՐԻ, ԱՐՄԵՆՊՐԵՍ։ Էջմիածնի Մայր տաճարի հիմնանորոգման աշխատանքները տևել են ընդհանուր առմամբ 12 տարի, որն ընդգրկել է ուսումնասիրությունների, նախագծային և բուն շինարարական վերականգնողական աշխատանքների փուլերը։

«Արմենպրես»-ի թղթակցի հաղորդմամբ՝  այս մասին ասաց վերականգնող ճարտարապետ Ամիրան Բադիշյանը՝ Սրբալույս Մյուռոնի օրհնության և Մայր Տաճարի վերաօծման արարողություններին ընդառաջ տեղի ունեցած ասուլիսին։

«Իրականացվել են ամրակայման բազմաբնույթ աշխատանքներ՝ սկսած հիմնատակերից, մինչև Մայր եկեղեցու գմբեթի խաչը։ Բնական է՝ պատերի վրա այլ աշխատանքներ են իրականացվել, հիմքերի մասում ու ծածկերին՝ այլ։ Մայր տաճարի խաչը, որը տեղադրվել էր 17-րդ դարում, լատունի բարակ թիթեղներից էր և գտնվում էր խիստ քայքայված, կարելի է ասել՝ արդեն գոյությունը չպաշտպանող վիճակում։ Կարող եք թանգարանում տեսնել պահպանվող խաչը, որն ապամոնտաժվել է առանց որևէ միջամտությամբ, և ինքներդ կհամոզվեք վիճակն ինչպիսինն է։ Մեր աշխատանքներն ավարտվել են նոր բրոնզաձույլ խաչով, որը չասեմ ճիշտ կրկնօրինակն է, բայց չափային և ոճային առումով կրկնում է ապամոնտաժված խաչը»,-մանրամասնեց վերականգնող ճարտարապետը։

Նրա խոսքով վերականգնող մասնագետների պակաս աշխատանքների ընթացքում չի զգացվել, ընդհակառակը Մայր տաճարի վերականգնումը հանրությանն ու համապատասխան մասնագիտական, իրավական շրջանակներին ներկայանալու յուրատեսակ հաշվետվություն կարող է հանդիսանալ առ այն, որ Հայաստանում այդ ոլորտում մեծ ներուժ կա։

 

Հայերեն Русский

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26