Իսրայելում երեխան պատահաբար կոտրել է 3500 տարվա կավե սափորը
1 րոպեի ընթերցում
![Իսրայելում երեխան պատահաբար կոտրել է 3500 տարվա կավե սափորը](http://armenpress.am/resized/480/storage/images/articles/2024/08/28/uFV8lcngXW0tJL7Lu5Lf9KWYxK0Toq6U4jA4sPXK.webp)
ԵՐԵՎԱՆ, 28 ՕԳՈՍՏՈՍԻ, ԱՐՄԵՆՊՐԵՍ: Իսրայելում 5 տարեկան տղան Հայֆայի համալսարանի Հեխթ թանգարանում էքսկուրսիայի ժամանակ պատահաբար կոտրել է 3500 տարվա սափորը: «Արմենպրես»-ի փոխանցմամբ՝ այս մասին հայտնում են իսրայելական լրատվամիջոցները:
«Հինգ տարեկան տղան պատահաբար դիպել է Հայֆայի Հեխթ թանգարանում պահվող հնագույն սափորին և կոտրել այն: Հնագիտական գտածոյի կորուստը զգալի ֆինանսական վնաս չի պատճառել», - հայտնել է իսրայելական հեռուստաալիքը:
Թանգարանի ներկայացուցիչները տեղեկացրել են, որ սափորը կվերականգնվի և շուտով կրկին կցուցադրվի։