45-ամյա տղամարդը սպանելու դիտավորությամբ կտրել էր 85-ամյա հորաքրոջ պարանոցը
1 րոպեի ընթերցում
![45-ամյա տղամարդը սպանելու դիտավորությամբ կտրել էր 85-ամյա հորաքրոջ պարանոցը](http://armenpress.am/resized/480/storage/images/articles/2024/08/26/X82z3N9QMYByVpN2ly8YEpo6ON1IjmtMHgmeSYNq.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: ՆԳՆ ոստիկանության օպերատիվ կառավարման կենտրոն օգոստոսի 24-ին ժամը 21:08-ին «Գրիգոր Լուսավորիչ» բժշկական կենտրոնից հաղորդում է ստացվել, որ շտապօգնության խումբը պարանոցի կտրած վնասվածքով բուժօգնության է տեղափոխել 85-ամյա կնոջ:
Ինչպես «Արմենպրես»-ը տեղեկանում է Ոստիկանության տարածած հաղորդագրությունից, պարզվել է, որ նույն օրը ժամը 20.45-ի սահմաններում Նանսենի փողոցի շենքերից մեկում կենցաղային հարցերի շուրջ տեղի ունեցած վիճաբանության ժամանակ 85-ամյա կնոջ պարանոցը, սպանելու դիտավորությամբ, դանակով կտրել է եղբոր 45-ամյա որդին:
45-ամյա տղամարդը սպանության փորձի կասկածանքով ձերբակալվել և տեղափոխվել է ոստիկանության Նոր Նորքի բաժին:
Կազմված փաստաթղթերը փոխանցվել են քննչական բաժին: Հանգամանքները պարզվում են:
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: