Բոսֆորի նեղուցը տանկերի շարժիչի խափանման պատճառով ժամանակավորապես փակվել է
1 րոպեի ընթերցում
![Բոսֆորի նեղուցը տանկերի շարժիչի խափանման պատճառով ժամանակավորապես փակվել է](http://armenpress.am/resized/480/storage/images/articles/2024/08/26/1Tb02o9k1ViKiVMu1ai4gaRxSMJIYx4Wa5X3Ht5x.webp)
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ։ Բոսֆորի նեղուցը, որը Եվրոպան Փոքր Ասիային կապող կարևոր ջրային ուղի է, ժամանակավորապես փակվել է նավարկության համար՝ տանկերներից մեկի շարժիչի խափանման պատճառով։ «Արմենպրես»-ի փոխանցմամբ՝ այս մասին հաղորդում է Ilkha լրատվական գործակալությունը։
Միջադեպը տեղի է ունեցել օգոստոսի 26-ի գիշերը։ 171 մետր երկարություն ունեցող SREDINA տանկերը Ռումինիայից Լիբիա նավարկելիս շարժիչի հետ կապված խնդիր է ունեցել։ Ըստ գործակալության՝ Թուրքիայի իշխանություններն արագ արձագանքել են՝ նավին օգնության ուղարկելով երեք քարշակ նավ։
Անվտանգության նկատառումներից ելնելով՝ Բոսֆորում նավարկությունը դադարեցվել է երկու կողմերով՝ մինչև իրավիճակի կարգավորումը։