Փարիզ-2024. Ըմբիշ Վազգեն Թևանյանը պարտվեց քառորդ եզրափակիչում
1 րոպեի ընթերցում
![65kg FS - Vazgen TEVANYAN (ARM)](http://armenpress.am/resized/480/storage/images/articles/2024/08/10/3Bktuug9wuUhrmD0V6cwn2BuCtsVZG1EdHxgR4R8.webp)
ՓԱՐԻԶ, 10 ՕԳՈՍՏՈՍԻ, ԱՐՄԵՆՊՐԵՍ: Հայաստանի օլիմպիական հավաքականի անդամ ըմբիշ Վազգեն Թևանյանը Փարիզ-2024-ում պարտվեց քառորդ եզրափակիչում:
«Արմենպրես»-ի թղթակցի հաղորդմամբ` Փարիզի «Champ-de-Mars Arena»-ում ընթացող 65 կգ ազատ ոճային ըմբիշների պայքարում Վազգեն Թևանյանը երկրորդ գոտեմարտում պարտություն կրեց: Քառորդ եզրափակիչում Թևանյանը մրցեց մոնղոլ Տուլգա Տումուրի հետ ու զիջեց 7:5 հաշվով: Հայ ըմբիշը իրավունք կստանա շարունակելու պայքարը, եթե մոնղոլ մարզիկը դուրս գա եզրափակիչ:
Մեկնարկային գոտեմարտում Վազգեն Թևանյանը գերազանցել էր վրացի Գոդերձի Ձեբիաշվիլիին:
Ավելի վաղ Հայաստանի ըմբշամարտի հավաքականից Օլիմպիական խաղերի արծաթե մեդալի էր դարձել 97 կգ քաշային Արթուր Ալեքսանյանը և բրոնզ էր նվաճել 77 կգ քաշային Մալխաս Ամոյանը: Օլիմպիական խաղերի իր երկրորդ մեդալը նվաճել էր մարմնամարզիկ Արթուր Դավթյանը` դառնալով Փարիզ-2024-ի արծաթե մեդալակիր:
Վարվառա Հայրապետյան