Իսրայելը հարվածել է Լիբանանի մայրաքաղաք Բեյրութին

ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: Իսրայելի բանակն այս տարվա հունվարի 2-ից հետո առաջին անգամ հարվածել է Բեյրութին: «Արմենպրես»-ի հաղորդմամբ՝ այդ մասին հայտնել է РИА Новости-ն:

Միջազգային լրատվամիջոցները, հիմնվելով հավաստի աղբյուրին, հայտնում են, որ հարվածը հասցվել է քաղաքի հարավային արվարձաններին:

Նշվում է, որ հասցված հարվածի թիրախը եղել է «Հըզբոլահ»-ի բարձրաստիճան հրամանատարը, որը պատասխանատու է Իսրայելի քաղաքացիների սպանության համար: