Անտառային հրդեհներ Կալիֆոռնիայում. այրվել է ավելի քան 370 հազար դեկար անտառածածկ տարածք

ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ։ Կալիֆոռնիայում անտառային հրդեհները շարունակում են մոլեգնել, ներկայումս այրվել է ավելի քան 370 հազար դեկար անտառածածկ տարածք:

«Արմենպրես»-ի հաղորդմամբ, այս մասին հայտնում է CNN-ը` նշելով, որ անտառային հրդեհները, որոնք սկսվել են հուլիսի 24-ին Կալիֆոռնիայի հյուսիսում գտնվող Չիկո քաղաքի մոտակայքում, շարունակվում են:

Ըստ աղբյուրի՝ սա Կալիֆոռնիայի պատմության մեջ վեցերորդ ամենամեծ անտառային հրդեհն է համարվում։