1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Լաոսի մայրաքաղաք Վիենտյանում հանդիպել են Ռուսաստանի և Թուրքիայի արտաքին գործերի նախարարներ Սերգեյ Լավրովը և Հաքան Ֆիդանը։ «Արմենպրես»-ի փոխանցմամբ՝ այս մասին հաղորդում է Anadolu գործակալությունը։
Հարավարևելյան Ասիայի պետությունների ասոցիացիայի (ԱՍԵԱՆ)-ի արտաքին գործերի նախարարների խորհրդի շրջանակներում կայացած հանդիպման ժամանակ կողմերը քննարկել են երկկողմ հարաբերությունները, տնտեսական հարցերը և էներգետիկայի ոլորտում համագործակցությունը։
Նշվում է, որ Լավրովը և Ֆիդանը նաև անդրադարձել են Ուկրաինայում ընթացող պատերազմին, Գազայի հատվածում զարգացումներին, Սիրիայում տիրող իրավիճակին և տարածաշրջանային այլ հարցերի։