Հայաստան

Բժիշկը ոչ թե մասնագիտություն է, այլ կոչում. ԵՊԲՀ-ն այս տարի ավարտած 622 շրջանավարտներից 250-ն արտասահմանցի է

4 րոպեի ընթերցում

Բժիշկը ոչ թե մասնագիտություն է, այլ կոչում. ԵՊԲՀ-ն այս տարի ավարտած 622 շրջանավարտներից 250-ն արտասահմանցի է

ԵՐԵՎԱՆ, 9 ՀՈՒԼԻՍԻ, ԱՐՄԵՆՊՐԵՍ: Երևանի Մխիթար Հերացու անվան պետական բժշկական համալսարանը 2024 թվականին ունեցել է 622 շրջանավարտ, որից 250-ն՝ արտասահմանցի: Բուհի Գիտական խորհրդի հանդիսավոր նիստը՝ ուսումնական տարվա շրջանավարտների ավարտական երեկոն, տեղի է ունեցել հուլիսի 8-ին Արամ Խաչատրյան համերգասրահում:

 «Գիտական խորհրդի հարգարժան անդամներ, սիրելի շրջանավարտներ, հարգելի երաժիշտներ, հյուրեր, ծնողներ, մեզ համար շատ սպասված և կարևոր օր է: Այսօր գումարվել է Գիտական խորհրդի հանդիսավոր նիստ, որպեսզի կարողանանք ևս մեկ անգամ հավաստել՝ ճերմակ հագուստը լոկ հագուստ չէ, այլ պարտավորություն: Կարծում եմ՝ այն աշխատանքները, որոնք իրականացրել ենք 6 տարվա ընթացքում՝ խստապահանջ քննությունները, հմտությունների մակարդակը, որով օժտված եք, թույլ է տալիս ասել՝ այն մարդիկ, որոնք այսօր պատրաստ են համալրել «սպիտակ բանակի» շարքը, արժանի են այդ անպարտելի կոչմանը»,- «Արմենպրես»-ի փոխանցմամբ՝ ազդարարելով նիստի մեկնարկը՝ նշել է ԵՊԲՀ ռեկտոր Արմեն Մուրադյանը:

ԵՊԲՀ շրջանավարտների մուտքը բժշկություն ողջունել է  Անեսթեզիոլոգիայի և ինտենսիվ թերապիայի ամբիոնի դասախոս,  հանրապետությունում անեսթեզիոլոգիայի և ռեանիմատոլոգիայի բնագավառի  երկար տարիների փորձով, հմուտ բժիշկ Անատոլի Գնունին:

«Դուք շուտով կերդվեք և մուտք կգործեք բժիշկների շարքերը: Հիշեք, որ բժիշկը ոչ թե մասնագիտություն է, այլ կոչում: Ձեր առօրյա աշխատանքն ապարելակերպ է, որն ուղեկցելու է ձեզ ողջ կյանքի ընթացքում: Բարձր գիտելիքների և մասնագիտական ունակությունների հետ մեկտեղ պետք է օժտված լինեք մարդկային բարձր հատկանիշներով: Կհանդիպեք բազմաթիվ խոչընդոտների, դժվարությունների, մարտահրավերների: Մի՛ նահանջեք, պայքարեք և հաղթահարեք»,-ասաց Անատոլի Գնունին՝ հորդորելով անվերապահորեն պայքարել մարդու առողջության և կյանքի համար, շարունակել կրթությունն ու պայքարել տգիտության և անտարբերության դեմ:

Միջոցառումն այս տարի տարբերվեց նաև անցկացման ձևաչափով. ոչ թե բեմից, այլ տեսանյութերի միջոցով դեկաններն ավարտողներին ողջունելու հնարավորություն ունեցան հետաքրքիր հիշողություններով, պատմություններով՝ ուսումնառության, դասախոսների, միմյանց մասին:

«Հարգելի՛ գործընկերներ, հպարտ ենք ձեզանից մեկը լինելու համար, ինձ համար պատիվ է, որ ես պատասխանատվություն եմ ստանձնել այս դժվարին ժամանակներում ղեկավարել Երևանի Մխիթար Հերացու անվան պետական բժշկական համալսարանը, աշխատել անվանի պրոֆեսորների, իմ ուսուցիչների հետ, աշխատել կողք կողքի գործընկերների հետ, որոնք կարողացան այս պատմական դարաշրջանում բոլոր դժվարություններն անցնելով` բարձր պահել բժշկի պատիվը: Ձեզ հետ հպարտ եմ կանգնել այստեղ, որովհետև այս տարիների ընթացքում  դուք մեզ հետ միասին` ուս ուսի, անցաք համաճարակը և ձեր ուրույն տեղն ունեցաք այդ պայքարում»,- ամփոփիչ խոսքում ընդգծեց ռեկտորը` շնորհավորելով բոլորին և շեշտելով, որ համալսարանի առաքելությունն է պատրաստել ավելի լավ մասնագետներ:

ԵՊԲՀ ռեկտոր Արմեն Մուրադյանն ընդգծեց, որ այսօր ականատես ենք, որ համալսարանն իրականացնում է իր առջև  դրված խնդիրը:

«Մաղթում եմ, որ ոգևորվեք այնքան, որ կարողանաք արդարացնել, փրկեք այնքան, որ չսպասեք երախտիքի խոսքերի, պատասխանատվություն ստանձնեք  այնքան,  որքան կարող եք արդարացնել»,- եզրափակեց խոսքը նա:

ՀՀ վարչապետը Լոնդոնում մասնակցել է «Պաշտպանելով և ապահովելով ժողովրդավարությունը» խորագրով կլոր-սեղան քննարկմանը

Եվրոպա

ՀՀ վարչապետը Լոնդոնում մասնակցել է «Պաշտպանելով և ապահովելով ժողովրդավարությունը» խորագրով կլոր-սեղան քննարկմանը

Հոկտեմբերին կմեկնարկի նոր ձևավորվող Քրեական ոստիկանության ծառայությունը․ ՆԳ նախարարի տեղակալ

Հայաստան

Հոկտեմբերին կմեկնարկի նոր ձևավորվող Քրեական ոստիկանության ծառայությունը․ ՆԳ նախարարի տեղակալ

Սուրեն Պապիկյանն ու  Վասիլիս Մարագոսը քննարկել են Հայաստան-ԵՄ գործընկերության համատեքստում պաշտպանության բնագավառում համագործակցությունը

Հայաստան

Սուրեն Պապիկյանն ու Վասիլիս Մարագոսը քննարկել են Հայաստան-ԵՄ գործընկերության համատեքստում պաշտպանության բնագավառում համագործակցությունը

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Իրավունք

2024-2026 թվականների Ոստիկանության բարեփոխումների ծրագիրը կօգնի անձնակազմի համար գրագետ կրթություն ապահովել. Արփինե Սարգսյան

Ոլորտային խնդիրների լուծման շուրջ աշխատանքեր են տարվում. Մխիթար Հայրապետյանն այցելել է Ucom ընկերություն

Հայաստան

Ոլորտային խնդիրների լուծման շուրջ աշխատանքեր են տարվում. Մխիթար Հայրապետյանն այցելել է Ucom ընկերություն

Երևանում մի շարք փողոցներ ժամանակավորապես փակ կլինեն

Հայաստան

Երևանում մի շարք փողոցներ ժամանակավորապես փակ կլինեն

Նիկոլ Փաշինյանը ներկա է գտնվել Եվրոպական քաղաքական համայնքի 4-րդ գագաթնաժողովի բացմանը

Քաղաքականություն

Նիկոլ Փաշինյանը ներկա է գտնվել Եվրոպական քաղաքական համայնքի 4-րդ գագաթնաժողովի բացմանը

Հայաստանի և Վրաստանի առողջապահության նախարարներն ընդգծել են դեղերի գների քաղաքականությունը պարբերաբար վերանայելու անհրաժեշտությունը

Վրաստան

Հայաստանի և Վրաստանի առողջապահության նախարարներն ընդգծել են դեղերի գների քաղաքականությունը պարբերաբար վերանայելու անհրաժեշտությունը

Տեղի է ունեցել ՀՀ վարչապետի և Ֆինլանդիայի նախագահի հանդիպումը

Քաղաքականություն

Տեղի է ունեցել ՀՀ վարչապետի և Ֆինլանդիայի նախագահի հանդիպումը

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Քաղաքականություն

Ադրբեջանը մերժել է Լոնդոնում Փաշինյան-Ալիև հանդիպում անցկացնելու՝ հայկական կողմի առաջարկը

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

Մշակույթ

Արվեստը ժամանակի սահմաններից դուրս. Նկարիչների միությունում կբացվի Հաղթանակ Շահումյանի 80-ամյակին նվիրված ցուցահանդեսը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում