Թուրքմենստանն առաջարկում է Աֆղանստանով գազատար կառուցել
1 րոպեի ընթերցում
![Թուրքմենստանն առաջարկում է Աֆղանստանով գազատար կառուցել](http://armenpress.am/resized/480/storage/images/articles/2024/07/04/REufdIGblws5GezoY6s6TEHJM7Ucp4l6DISeEEwe.webp)
ԵՐԵՎԱՆ, 4 ՀՈՒԼԻՍԻ, ԱՐՄԵՆՊՐԵՍ: Թուրքմենստանի Խալք Մասլախաթիի նախագահ Գուրբանգուլի Բերդիմուհամեդովը Շանհայի համագործակցության կազմակերպության երկրների ղեկավարներին առաջարկել է դիտարկել Աֆղանստանով գազատարի կառուցման հնարավորությունը:
«Արմենպրես»-ի հաղորդմամբ՝ այս մասին հայտնում է Kazinform-ը:
Ըստ նրա՝ Աֆղանստանով գազատարի կառուցումը կնպաստի երկրի տնտեսական ու սոցիալական վերականգնմանը։
«Մենք առաջարկում ենք Շանհայի համագործակցության կազմակերպության շահագրգիռ երկրներին դիտարկել Աֆղանստանի տարածքում էներգետիկ և հաղորդակցության նախագծերում մասնակցության պարամետրերը: Խոսքը Թուրքմենստան-Աֆղանստան-Պակիստան–Հնդկաստան գազատարի շինարարության, Թուրքմենստան–Աֆղանստան–Պակիստան երթուղու երկայնքով էլեկտրահաղորդման գծի և օպտիկամանրաթելային կապի իրականացման մասին է»,–ասել է Գուրբանգուլի Բերդիմուհամեդովը՝ ելույթ ունենալով «ՇՀԿ պլյուս» ձևաչափով կայացած հանդիպմանը: