Սիրիայում առնվազն չորս մարդ է զոհվել հակաթուրքական բողոքի ակցիաների ժամանակ
1 րոպեի ընթերցում
![Սիրիայում առնվազն չորս մարդ է զոհվել հակաթուրքական բողոքի ակցիաների ժամանակ](http://armenpress.am/resized/480/storage/images/articles/2024/07/02/3GGHA1POlIXNN0xWabnQpZ5XuavEFku8OhYSSWfA.webp)
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: Առնվազն չորս մարդ զոհվել, 20-ը վիրավորվել են հակաթուրքական ցույցերի ժամանակ, որոնք անցկացվել են Թուրքիայի բանակի կողմից վերահսկվող Սիրիայի հյուսիս-արևմուտքում։ Ինչպես «Արմենպրես»-ը տեղեկանում է Deutsche Welle-ի ռուսական ծառայությունից, այս մասին հուլիսի 1-ի երեկոյան հաղորդել է Մարդու իրավունքների պահպանման մոնիթորինգի սիրիական կենտրոնը։
Կազմակերպության տվյալներով՝ բողոքներին մասնակցել են հարյուրավոր մարդիկ, նրանցից ոմանք զինված են եղել։ Ցուցարարները պոկել են թուրքական դրոշները։ Աֆրին և Ջերաբուլուս քաղաքներում բախումներ են տեղի ունեցել ցուցարարների և թուրք զինվորների միջև, ինչն էլ հանգեցրել է զոհերի։