«Ուրարտու»-ն մարոկկացի նոր կիսապաշտպան ունի

ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Երևանի «Ուրարտու» ֆուտբոլային ակումբը ունի նոր ֆուտբոլիստ։ Ակումբը պայմանագիր է ստորագրել մարոկկացի կիսապաշտպան Այուբ Աբուի հետ։

«Արմենպրես»-ի հաղորդմամբ`  այս մասին գրում է ակումբի մամուլի ծառայությունը: 25-ամյա ֆուտբոլիստը համարվում է կատալոնական «Բարսելոնայի» սան։ Կարիերայի ընթացքում հանդես է եկել մի շարք ակումբներում, ինչպիսիք են իսպանական «Բարսելոնայի» երիտասարդական թիմը, «Ռեալ Մադրիդ Կաստիլյան», «Խետաֆեն», պորտուգալական «Պորտուի» երիտասարդական թիմը և իտալական ՍՊԱԼ-ը։  

Աբույի վերջին ակումբը Բուլղարիայի բարձագույն առաջնությունը ներկայացնող «Պիրին» էր, որի կազմում նա անցկացրել է 35 հանդիպում։