Աշխարհ

Մոտ ապագայում ֆրանսիական բանակը չի կռվի Ուկրաինայում. Էմանուել Մակրոն

1 րոպեի ընթերցում

Մոտ ապագայում ֆրանսիական բանակը չի կռվի Ուկրաինայում. Էմանուել Մակրոն

ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ֆրանսիական զինված ուժերը մոտ ապագայում չեն մասնակցի ռազմական գործողություններին Ուկրաինայի տարածքում։ 

Ինչպես հաղորդում է «Արմենպրես»-ը, վկայակոչելով «ՏԱՍՍ»-ը, այս մասին հայտարարել է Ֆրանսիայի նախագահ Էմանուել Մակրոնը՝ պատասխանելով Generation Do it Youtself պոդքասթի հաղորդավար Մաթյո Ստեֆանիի հարցին։ Պոդքաստի ձայնագրությունը հասանելի է Agence France-Presse-ին:

«Չեմ կարծում, որ պատերազմը կգա մեր տարածք. ուզում եմ ձեզ հանգստացնել: Մենք նաև հենց վաղը չենք մասնակցի ռազմական գործողություններին ուկրաինական տարածքում: Ուզում եմ ձեզ հավաստիացնել դրանում»,-ասել է նա:

Նախագահը հավելել է, որ հասկանում է նրանց, ովքեր վախենում են, որ հակամարտությունը կտարածվի Ֆրանսիայի վրա:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում