Սևաստոպոլում հրթիռակոծության տուժածների թիվը հասել է 151-ի, սահմանվել է արտակարգ իրավիճակի ռեժիմ
1 րոպեի ընթերցում
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: Ղրիմի Սևաստոպոլ քաղաքի հրթիռակոծությունից հետո բուժօգնության դիմածների թիվը հասել է 151-ի։ «Արմենպրես»-ի փոխանցմամբ՝ այս մասին իր Telegram ալիքում հայտնել է Սևաստոպոլի նահանգապետ Միխայիլ Ռազվոժաևը։
Ավելի վաղ հայտնի էր 144 տուժածի մասին։
Տուժածներից 82-ը հոսպիտալացվել են:
Սևաստոպոլում տեղի ունեցած հարձակումից հետո նահանգապետն արտակարգ իրավիճակի ռեժիմ է մտցրել։
Ըստ ՌԴ պաշտպանության նախարարության՝ հունիսի 23-ին, ժամը 12։15-ին ուկրաինական կողմը հարվածներ է հասցրել քաղաքին՝ կիրառելով կասետային մարտագլխիկներով ամերիկյան ATACMS օպերատիվ-մարտավարական հինգ հրթիռ։ Զոհվել է 5 մարդ։