Սպորտ

«Օլիմպիականները. Փարիզ-2024». Ըմբշամարտի ժամանակ պետք է կարողանալ ստեղծագործել. Արսեն Հարությունյան

6 րոպեի ընթերցում

Արսեն Հարությունյան
Արսեն Հարությունյան

ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Հայկական սպորտի հենակետային մարզաձևերի շարքում եղել և մնում է ըմբշամարտը: Վերջին տարիներին Հայաստանի ազատ ոճային ըմբիշները նոր նվաճումների են հասել:  

«Արմենպրես»-ի նախաօլիմպիական` «Օլիմպիականները. Փարիզ-2024» հատուկ նախագծի հերոսը ազատ ոճային ըմբիշ, Եվրոպայի քառակի չեմպիոն, աշխարհի առաջնության բազմակի մեդալակիր Արսեն Հարությունյանն է, ով կմասնակցի իր երկրորդ Օլիմպիական խաղերին:

HM2_6262A.JPG

Արսեն Հարությունյան

Ազատ ոճային ըմբիշ

24 տարեկան

Եվրոպայի քառակի չեմպիոն

Աշխարհի առաջնությունների եռակի բրոնզե մեդալակիր

Փարիզ-2024-ը երկրորդ Օլիմպիական խաղերն են

Մրցումային օրերը` օգոստոսի 8-9

 

-Արսեն, ինչպե՞ս է ընթանում Օլիմպիական խաղերի նախապատրաստական փուլը:

-Շատ լավ ուսումնամարզական հավաքներ ենք ունեցել: Մասնակցեցի մեկ միջազգային մրցաշարի, որի շնորհիվ հասկացա, թե ինչ մարզավիճակում եմ։  Հաջորդիվ արդեն Օլիմպիական խաղերն են:   

-Փարիզ-2024-ը Ձեր երկրորդ խաղերն են: Փորձառություն արդեն ունեք, ի՞նչ խորհրդով ու մտքով եք մոտենում այս խաղերին:   

-Փարիզ-2024-ին մոտենում եմ այլ մտածելակերպով: Տոկիոյի խաղերին շատ երիտասարդ էի ու փորձի պակաս ունեի, կային պահեր, որ թերանում էի: Արել եմ ամեն ինչ, որ այս Օլիմպիական խաղերին բոլոր թերությունները շտկած մոտենամ: Մարզումներս ավելի հավաքված եմ անցկացնում, ավելի կենտրոնացած եմ:

-Ձեզ համար ի մի բերելով՝ ի՞նչ տեղի ունեցավ Տոկիոյում, որտեղ դուք դուրս մնացիք առաջին իսկ գոտեմարտում:  

-Կյանքումս ամենամեծ սխալը, որը թույլ եմ տվել, եղել է Տոկիոյի Օլիմպիական խաղերին պատրաստվելու փուլում: Այդ Խաղերում բոլոր թերացումների մեղավորը ես էի: Այսպիսի խոսք կա` ինչի պատրաստվում ես, այն էլ տրվում է քեզ: Ես լավ չէի պատրաստվել:  

-Իսկ ո՞րն էր Ձեր սխալը:

-Մարզումներս թուլացրել էի: Տպավորություն ունեի, թե լավ եմ մարզվում, բայց իրականում այդպես չէր: Օլիմպիական չեմպիոն դառնալու համար պետք է մարզվես անդադար, իսկ ես այդպես չէի անում: Այդ Խաղերից հետո հասկացա, որ միայն ու միայն մարզումներն են հաղթանակ բերում: Երբեմն, հավասար մրցակցության պայմաններում կարող ես և պարտվել:

-Հիմա ինքներդ Ձեզ ապացուցելու բան ունե՞ք:

-Միշտ ինքս ինձ ապացուցելու բան ունեմ: Այսքան մարզումային փուլեր անցնելով՝ վերջում մրցման ժամանակ ինքս ինձ պիտի ապացուցեմ, որ գնահատում եմ այն ջանքը, տանջանքը, որ նախապատրաստական փուլում թափում ենք մարզիչների հետ:   

-Արդյոք Օլիմպիական խաղերի նախապատրաստությունը բացառի՞կ է, թե՞ նույնն է, ինչ աշխարհի կամ Եվրոպայի առաջնություններին ընդառաջ։  

-Հիմա ինձ համար տարբերություն չկա: Պատրաստվում եմ այնպես, ինչպես Եվրոպայի կամ աշխարհի առաջնությանը:  

-Արսեն, ո՞րն է ըմբշամարտի գեղեցկությունը, որը մենք` կողքից  հետևողներս, չենք տեսնում:

-Բարդ հարց տվեցիք: Կարծում եմ՝ անկախ նրանից, թե խոսքն ինչ մասնագիտության մասին է, եթե չես սիրում մասնագիտությունդ, ոչինչ չես սիրի նրանում:  Եթե մեծամասնությունը կարծում է, որ ըմբշամարտը միայն ուժի մարզաձև է, դա այդպես չէ: Այդտեղ խելք էլ է պետք արագ կողմնորոշվելու համար: Ըմբշամարտի ժամանակ պետք է կարողանալ ստեղծագործել: Օլիմպիական չեմպիոններն, օրինակ, տարբերվում են, տարբերվում են հենց իրենց մտածելակերպով, մոտեցմամբ, ստեղծագործելու ունակությամբ:  

-Արսեն, սկսե՞լ եք վայելել անգամ մարզումները, և եկե՞լ եք գիտակցության, որ մեդալի գինը անդադար ջանասիրությունն է:  

-18 տարի է, ինչ մարզվում եմ, ըմբշամարտի մեջ եմ: Կարծում եմ` քիչ ժամանակ չէ: Հիմա արդեն այն տարիքում եմ, որ կարիերայի ավարտին քիչ է մնացել, և ոչինչ չպետք է բաց թողնել: Անկեղծանամ՝ ինքս չեմ սիրում ծննդյանս օրը տոնել: Ինչո՞ւ, որովհետև ըմբշամարտում դեռևս չեմ հասել այն ամենին, ինչն իսկապես ուզում եմ, և ամեն տարի ինձ առավել քիչ ժամանակ է մնում նպատակներիս հասնելու համար:

-Իսկ ի՞նչն է փոխվելու օլիմպիական մեդալ նվաճելուց  հետո: 

-Կարծում եմ՝ արդեն ավելի հանգիստ խղճով եմ մարզվելու ու  կհասկանամ, որ մարզումներս տվել են իրենց արդյունքը: Սպորտային կյանքը կարճ է․ կարծես երեկ էր, որ 15 տարեկանում դարձա փոքրերի Եվրոպայի չեմպիոն, իսկ հիմա արդեն 24 տարեկան եմ:

- Եթե մեկ հնարավորություն ունենայիք գոտեմարտելու համաշխարհային սպորտի պատմության մի ըմբիշի հետ, ո՞ւմ կընտրեիք:

-Բեսիկ Կուդուխովին:

-Եվ վերջում. խնդրում եմ ավարտեք նախադասությունը: Փարիզի Օլիմպիական խաղերն ինձ համար կլինեն…

-Աստծով, լավը պիտի լինեն:

 

«Օլիմպիականները. Փարիզ-2024» նախագծի հեղինակ` Վարվառա Հայրապետյան Լուսանկարները` Հայկ Մանուկյանի

Նիկոլ Փաշինյանը ցավակցական հեռագիր է հղել  Վիետնամի  վարչապետին

Ասիա

Նիկոլ Փաշինյանը ցավակցական հեռագիր է հղել Վիետնամի վարչապետին

Երևանում խոշոր ավտովթար է տեղի ունեցել. մահացել է 3 մարդ, ևս մեկի վիճակը գնահատվում է ծայրահեղ ծանր

Իրավունք

Երևանում խոշոր ավտովթար է տեղի ունեցել. մահացել է 3 մարդ, ևս մեկի վիճակը գնահատվում է ծայրահեղ ծանր

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

Իրավունք

Գյումրիի տներից մեկում մի քանի ամսվա վաղեմությամբ մահացած կնոջ դի է հայտնաբերվել․ մեկ անձ ձերբակալվել է

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Քաղաքականություն

Հայաստանը վերահաստատում է Ադրբեջանի հետ սահմանին հրադադարի խախտման դեպքերի համատեղ հետաքննության մեխանիզմ ստեղծելու առաջարկը

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Քաղաքականություն

Շրջադարձային որոշումներ՝ Հայաստանի եվրաինտեգրման տեսանկյունից․ Արման Եղոյանը՝ ԵՄ արտաքին հարաբերությունների խորհրդի որոշումների մասին

Վրաստանում գրանցված 6-7 բալ ուժգնությամբ երկրաշարժը զգացվել է նաև Հայաստանի մարզերում

Վրաստան

Վրաստանում գրանցված 6-7 բալ ուժգնությամբ երկրաշարժը զգացվել է նաև Հայաստանի մարզերում

Նիկոլ Փաշինյանը շնորհավորական ուղերձ է հղել Լիտվայի վարչապետին

Եվրոպա

Նիկոլ Փաշինյանը շնորհավորական ուղերձ է հղել Լիտվայի վարչապետին

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Քաղաքականություն

Ժողովրդավարական ուժերի հարթակը ԵՄ-ին ՀՀ անդամակցության հանրաքվեի վերաբերյալ համապետական ստորագրահավաք կանցկացնի

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Քաղաքականություն

Հայաստանը ողջունում է ԵՄ-ի կողմից կայացրած պատմական որոշումները. Արարատ Միրզոյան

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Քաղաքականություն

Խաղաղության եվրոպական հիմնադրամից Հայաստանին 10 մլն եվրո տրամադրելու որոշումը պաշտոնապես հաստատվեց

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

Քաղաքականություն

Եվրահանձնաժողովը Հայաստանի հետ սկսում է վիզային ռեժիմի ազատականացման երկխոսությունը

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում