392.54
ՀՀ դեսպանը և Հունաստանի Պաֆոսի քաղաքապետը քննարկել են ՀՀ քաղաքներից մեկի հետ ոլորտային համագործակցություն զարգացնելու հնարավորությունները
1 րոպեի ընթերցում
ԵՐԵՎԱՆ, 17 ՀՈՒՆԻՍԻ, ԱՐՄԵՆՊՐԵՍ: Կիպրոսում Հայաստանի Հանրապետության արտակարգ և լիազոր դեսպան Տիգրան Մկրտչյանը (նստավայրը` Աթենք) հունիսի 17-ին հանդիպել է Պաֆոսի վերընտրված քաղաքապետ Ֆեդոն Ֆեդոնոսի հետ։
«Արմենպրես»-ի հաղորդմամբ՝ Հունաստանում Հայաստանի դեսպանության «Ֆեյսյբուք»-ի էջը տեղեկացնում է, որ դեսպանը շնորհավորել է քաղաքապետին համոզիչ հաղթանակի համար և մաղթել նորանոր հաջողություններ տեղական ինքնակառավարման զարգացման ոլորտում։
Ըստ աղբյուրի՝ կողմերը քննարկել են Հայաստանի քաղաքներից մեկի հետ ոլորտային համագործակցություն զարգացնելու հնարավորությունները։
Նշվում է, որ Ֆեդոն Ֆեդոնոսն ընդգծել է իր քաղաքը նորարարական տեխնոլոգիաների և կրթության ոլորտի ներգրավվածությամբ հրապուրիչ կենտրոն վերածելու գաղափարի և այն կյանքի կոչելու ընթացքի մասին։ Դեսպան Մկրտչյանը ներկայացրել է այս ոլորտներում Հայաստանի արձանագրած հաջողությունները և առաջարկել այցելել Հայաստան՝ առավել մոտիկից ծանոթանալու հետաքրքրություն ներկայացնող ուղղություններին։
Բաժանորդագրվեք մեր ալիքին Telegram-ում