Տնտեսություն

PROFAL-ը վերսկսել է մետաղապլաստե դռների և պատուհանների արտադրությունը

4 րոպեի ընթերցում

PROFAL-ը վերսկսել է մետաղապլաստե դռների և պատուհանների արտադրությունը

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ։ Ալյումինե դռների և պատուհանների հայկական առաջատար արտադրող PROFAL ընկերությունը վերսկսել է մետաղապլաստե դռների և պատուհանների արտադրությունը՝ հատուկ բազմաբնակարանային և հասարակական շինությունների համար։ Ընկերությունը ձեռք է բերել նորագույն սարքավորումներ արտադրության ընդլայնման նպատակով։

Մետաղապլաստե դռների և պատուհանների հումքը ներմուծվում է Եվրոպայից․ պատուհանների պրոֆիլները բելգիական ապրանքանիշի են, բռնակները՝ գերմանական, աքսեսուարները ևս եվրոպական բրենդներ են ներկայացնում։ PROFAL-ի գլխավոր տնօրեն Էդգար Ավետիսյանը նշել է, որ առաջիկայում ունեն խոշոր նախագծեր, որտեղ կօգտագործվեն մետաղապլաստե պրոֆիլներ։

«Այս պահին ունենք 18 շենքի պայմանագիր, որոնցում կտեղադրվեն PROFAL-ի մետաղապլաստե պատուհանները։ Մեր ինժեներներն աշխատել են, որպեսզի շուկայի ապրանքային այս սեգմենտում ևս բարձրակարգ արտադրանք առաջարկենք։ Դրանք արդյունավետ լուծում են բազմաբնակարան շենքերի, առևտրային ու արդյունաբերական շինությունների համար»,-ասել է Էդգար Ավետիսյանը։

PROFAL ընկերության մետաղապլաստե պրոֆիլների առաջին խմբաքանակը կուղղվի ML Mining խոշոր հանքարդյունաբերական, շինարարական և կառուցապատող ընկերության «Նոր Երևան» թաղամասի մասնաշենքերի ապակեպատմանը։ Չորս մասնաշենքերից բաղկացած թաղամասը գտնվում է Մալաթիա Սեբաստիա վարչական շրջանում՝ Առնո Բաբաջանյան 42/5 հասցեում։ 

«Կարևորվելով «Նոր Երևան» բնակելի համալիրում ՀՀ Կառավարության հետ համատեղ իրականացվող հանրային ծառայողներին մատչելի բնակարաններով ապահովման խոշոր քաղաքաշինական ծրագիրը՝ ML Mining-ը համալիրի պատուհանների արտադրությունն ու տեղադրումը պատվիրակել է ոլորտի առաջատար PROFAL ընկերությանը»,-նշել է ML Mining ընկերության գլխավոր տնօրեն Էդուարդ Մարգարյանը։

Սա ML Mining ընկերության հետ PROFAL-ի երկարաժամկետ համագործակցության մի մասն է։ Երկու ընկերությունները համագործակցության մեկնարկը տվել են «Այգիներ Պրեմիում», «Դալմա Հիլզ» և «Ադոնց Պրեմիում» նախագծերով, որոնք բազմաբնակարան պրեմիում դասի համալիրներ են։ PROFAL-ն այդ համալիրներում  իրականացնում է ալյումինե կոնստրուկցիաների պատրաստումն ու տեղադրումը, շենքերի ապակե երեսպատումը։

Ալյումինե դռների և պառուհանների առաջատար արտադրող PROFAL ընկերությունը, երկու տասնամյակից ավելի գործունեություն ծավալելով հայկական շուկայում, իրականացրել է ավելի քան 30․000 նախագիծ Հայաստանում և արտերկրում՝ համագործակցելով ավելի քան 10․000 տեղական և միջազգային գործընկերների հետ: Ընկերության արտադրանքն արտահանվում է ավելի քան յոթ երկրի շուկա՝ այդ թվում՝ ԱՄՆ, Ֆրանսիա, Նիդերլանդներ, Սաուդյան Արաբիա, Արաբական Միացյալ Էմիրություններ, Ռուսաստան և այլն։ 

Ընկերությունը հանդես է գալիս շարունակական ընդլայնման նախաձեռնություններով, որոնք ուղղված են ընկերության արտադրողականության ու հզորությունների ավելացմանը: PROFAL-ի աշխատակիցների թիվը շուրջ 500 է, որը տարեկան աճ է գրանցում։ Որպես հանքարդյունաբերության, կառուցապատման և շինարարության ոլորտներում գործունեություն ծավալող առաջատար ընկերություն՝ ML Mining-ը շարունակում է տնտեսության զարգացման, աշխատատեղերի ստեղծման և հզոր հայրենիք կերտելու իր առաքելությունը։ 2024 թվականին ML Mining ընկերության կառուցապատման ծրագրերի ընդհանուր մակերեսը գերազանցել է 2 մլն քմ-ը։

Ռումինիայի Չերնավոդայի ատոմակայանի էներգաբլոկն ավտոմատ կերպով անջատվել է

Տնտեսություն

Ռումինիայի Չերնավոդայի ատոմակայանի էներգաբլոկն ավտոմատ կերպով անջատվել է

Հունաստանում ՀՀ դեսպանը հանդիպել է Սալոնիկի առևտրի միջազգային ցուցահանդեսի տնօրենների խորհրդի նախագահի հետ

Տնտեսություն

Հունաստանում ՀՀ դեսպանը հանդիպել է Սալոնիկի առևտրի միջազգային ցուցահանդեսի տնօրենների խորհրդի նախագահի հետ

Եվրամիությունը տարեսկզբից առավելագույն չափով ավելացրել է ձկնամթերքի գնումները Ռուսաստանից

Տնտեսություն

Եվրամիությունը տարեսկզբից առավելագույն չափով ավելացրել է ձկնամթերքի գնումները Ռուսաստանից

Եվրոպական ինդեքսներ- 19/07/24

Տնտեսություն

Եվրոպական ինդեքսներ- 19/07/24

Ամերիկյան ինդեքսները նվազել են- 19/07/24

Տնտեսություն

Ամերիկյան ինդեքսները նվազել են- 19/07/24

NYMEX. Թանկարժեք մետաղների գները նվազել են- 19/07/24

Տնտեսություն

NYMEX. Թանկարժեք մետաղների գները նվազել են- 19/07/24

Նավթի գները նվազել են - 19/07/24

Տնտեսություն

Նավթի գները նվազել են - 19/07/24

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Տնտեսություն

Դեսպան Մկրտչյանը Սալոնիկի նավահանգստի ղեկավարությանը համագործակցության հեռանկարներին տեղում ծանոթանալու համար հրավիրել է Հայաստան

Հայաստանի ֆոնդային բորսան առևտրի ծավալներով դարձել է առաջատարներից մեկը ԵԱՏՄ-ում

Տնտեսություն

Հայաստանի ֆոնդային բորսան առևտրի ծավալներով դարձել է առաջատարներից մեկը ԵԱՏՄ-ում

ՀՀ ՍԱՏՄ-ն գործադրում է բոլոր ջանքերը ՌԴ պտուղ-բանջարեղեն արտահանող 16 ընկերությունների հետ կապված իրավիճակն արագ կարգավորելու համար

Տնտեսություն

ՀՀ ՍԱՏՄ-ն գործադրում է բոլոր ջանքերը ՌԴ պտուղ-բանջարեղեն արտահանող 16 ընկերությունների հետ կապված իրավիճակն արագ կարգավորելու համար

Մեհդի Սոբհանին հայտարարել է, որ Իրանը մոտ ապագայում կկրկնապատկի էլեկտրաէներգիայի ներմուծումը Հայաստանից

Տնտեսություն

Մեհդի Սոբհանին հայտարարել է, որ Իրանը մոտ ապագայում կկրկնապատկի էլեկտրաէներգիայի ներմուծումը Հայաստանից

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում